Sinopsis

E resultou que o último reí de Galicia foi preso polo seu. irmán D. Afonso, reí de León, e viviu cativo ata a morte no Castelo de Luna, dezaoito anos con grillóns nos pés, que así pediu que lle deran sepultura en Terra de Foris, encadeado como vivira. E por iso vive agora no bosque, aló pola Serra da Pena Forcada, que hai quen o viu entre Canladrón e Home do Lazo, un corvo branco con grillóns de prata e bóla de acibeche. E todos eses que vedes, dixo a señora sinalando de súpeto para a fiestra onde se miraban os campos de fóra, eses todos, os que van contra o vento, son os seus guerreiros. ¡Os trescentos corvos de Xallas!