Sinopsis

A colección Cabalo buligán reúne contos da nosa tradición oral, son as nosas historias, a nosa cultura. Cabalo buligán convida a contar e a escoitar un conto. Poñámonos con el a salvo dos perigos da vida, transformémonos en príncipes ou princesas, en torres que acobillan ós que están en apuros, tiremos do seu ramal, coa certeza de que cando sexa necesario nos prestará a súa montura áxil para bulir lixeiros polas corredoiras da imaxinación. Este volume Contos de encantamento, I contén os contos: O criado do mago, A alma externada, A Riqueza e a Fortuna, O gran comellón, A muller sen mans, Os catro irmáns con maña, O barco da princesa.