Sinopsis

O último dos cinco libros que compoñen a Códice Calistino é o que habitualmente chamamos Guía do peregrino, en razón do seu contido e da intención do seu autor. ‘’Escribín todo isto –dinos- para que os peregrinos, con esta información, poidan preve-los gastos necesarios para a súa viaxe, cando saian cara a Santiago.’’O francés Aimerico Picaud fixo a súa primeira viaxe no século XII. Percorreu pequenas e grandes vilas, visitou igrexas e sartegos de santos ó longo do camiño, soubo de dificultades e penurias, de hospitais e de hospederías, de xentes boas e malas. Os franceses, os vascos e navarros, casteláns e galegos, desfilan todos eles polo seu libro.Augas sás e mortíferas, ríos, pontes e fontes, constructores e benefactores, reflecten a historia sobre a que se ía facendo o camiño francés a Santiago.Ó final do Camiño, a cidade santa do Apóstolo, da que se fai unha pormenorizada descrición monumental. Gracias a ela sabemos das súas prazas, das súas sete portas de entrada, das igrexas e, sobre todo, témo-la máis completa e detallada descrición da catedral.